Film haqida

Aras — oilasini juda kichikligida yo‘l-transport hodisasi oqibatida yo‘qotgan va bolalar uyida ulg‘aygan yigit. Avtohalokatdan ukasi ham tirik qolganini va boshqa bir oilaga farzandlikka berilganini bilgach, Aras uni yillar davomida izlaydi. Bir kuni ukasining qayerdaligi haqida noma’lum manbadan xabar oladi va Bodrum sari yo‘lga chiqadi. U yerga kelgach, taqdiri Bodrumning eng qudratli oilasi — Akkayalar bilan kesishadi. Akkayalarga tegishli Bodrum Ta’lim Jamg‘armasi litseyiga o‘qishga qabul qilingan Aras ukasini topish yo‘lida katta sinovlardan o‘tadi. Bu yo‘lning boshidanoq u nafaqat dushmanlar, balki umrboqiy do‘stlar ham orttiradi. Ammo ukasiga yetib borish o‘ylaganchalik oson emasligini u ko‘p o‘tmay achchiq haqiqat sifatida anglab yetadi.